Birinciləri təbrik etmək üçün tədbirə yuxarı sinif şagirdləri ilə yanaşı kompleksimizin nəzdində fəaliyyət göstərən uşaq bağçasının və 39 saylı Uşaq Musiqi məktəbinin şagirdləri də qatılmışdılar. Birincilər bu vaxtadək aldıqları bilik və bacarıqları nümayiş etdirərək bir çox dillərdə şeir, mahnı ifa etdilər, nağıllar aləminə səyahət edərək maraqlı səhnəciklər göstərdilər. Onların hər bir çıxışı böyük coşqu ilə qarşılanırdı. Gənc idmançılarımızın çıxışı isə tədbiri daha da canlandırdı.
Sonda söz Kompleksin direktoru Sevinc xanım Rzayevaya verildi. O “Əlifba bayramı” münasibətilə şagirdləri, müəllimləri və valideynləri təbrik etdi.  Müəllimlərin böyük zəhməti hesabına şagirdlərin göstərdikləri fəallıqları yüksək qiymətləndirdi. İbtidai təhsil və Estetika kafedrasına, eyni zamanda bu işdə zəhməti olan digər şəxslərə də dərin təşəkkürünü bildirdi.
Məktəb direktoru Nasim Abışov da öz növbəsində çıxış edərək birinciləri “Əlifba” nı bitirmələri münasibətilə təbrik etdi, onlara təhsildə uğurlar arzuladı.