Ötən gün kompleksimizdə IDEA İctimai Birliyinin nümayəndələrini qarşıladıq. Onlar 3 və 4-cü sinif şagirdləri üçün “Bir Damcı” adlı maarifləndirici sessiya keçirdilər.
Sessiya zamanı şagirdlər qlobal su ehtiyatları haqqında məlumat əldə etdilər. Onlar suyun düzgün istifadəsinin nə üçün vacib olduğunu daha aydın anladılar. Mütəxəssislər suyun insan həyatındakı rolunu izah etdilər və hər damlanın qorunmasının əhəmiyyətini vurğuladılar.
Şagirdlər dərs boyunca fəal iştirak etdilər. Xüsusilə sual-cavab hissəsində onların maraqlı yanaşmaları diqqət çəkdi. Bu cür görüşlər şagirdlərdə məsuliyyət hissini gücləndirir və onların daha düşüncəli yanaşma formalaşdırmasına kömək edir.
