Yuxarı təhsil pilləsi (Beynəlxalq bölmə)

Heydər Əliyev adına Müasir Təhsil Kompleksinin (MTK) Yuxarı təhsil pilləsində 14-18 yaşlı şagirdlər yüksək keyfiyyətli təhsil və qayğı ilə təmin olunurlar.

Beynəlxalq nüfuzlu Kembric kurikulumları (Kembric orta məktəb pilləsinin yuxarı sinifləri və Kembric yüksək səviyyə (A-level)) təhsil proqramımızın mərkəzində durur. MTK-da istifadə olunan Kembric proqramları beynəlxalq kontekstə uyğunlaşdırılmışdır və Azərbaycanın Milli Kurikulum tələblərini də özündə ehtiva edir. Dərslərin böyük əksəriyyətinin ingilis dilində tədris olunmasına baxmayaraq, ingilis dilində olan tədris ilə Azərbaycan dilində olan tədris arasında yerli və əcnəbi şagirdlərin ehtiyaclarına yönəlmiş incə fərqlər özünü göstərir.

Yerli ölkə şagirdlərini öz milli kimliklərilə fəxr etməyə, eləcə də ana dilində səlis danışmağa həvəsləndirmək üçün biz Kembric kurikulumunu Azərbaycan dili, yerli kurikuluma uyğun riyaziyyat, Azərbaycan tarixi, Azərbaycan ədəbiyyat və Azərbaycan coğrafiyası kimi icbari fənlərlə birləşdirmişik. MTK-da tam orta təhsilini müvəffəqiyyətlə başa vuran bütün şagirdlər attestat alırlar. Azərbaycana dair, eləcə də regional və qlobal əhəmiyyətə malik mövzular və tarixi hadisələr tədrisdə, həmçinin məktəbin tədbirlər təqvimində öz əksini tapır.10-cu sinif və 11-12-ci sinif şagirdlərinin təhsili IGCSE, AS və A-Level (AS/A-səviyyə) imtahanlarının verilməsi ilə tamamlanır. Bu ixtisaslar Azərbaycanda və xaricdə geniş şəkildə tanınır və dünyanın ən yaxşı universitetlərinə daxil olmağa imkan verir.

 

Yuxarı təhsil pilləsində təklif olunan fənlər

• İngilis dili
• Riyaziyyat  (həm Kembric, həm də yerli kurikulum əsasında)
• Azərbaycan dili
• Müasir xarici dillər (fransız dili, alman dili, ərəb dili və rus dili)
• Biologiya, kimya və fizika
• STEAM (Elm, texnologiya, mühəndislik, incəsənət və riyaziyyat)
• İqtisadiyyat
• Biznesin əsasları
• Ədəbiyyat
• Kompüter elminin əsasları
• Dünya tarixi 
• Coğrafiya
• Sosiologiya
• Rəsm və dizayn
• Azərbaycan tarixi
• Azərbaycan coğrafiyası
• Azərbaycan ədəbiyyatı
• Fiziki tərbiyə  
• Gənclərin çağırışaqədərki hazırlığı

 

 

IGCSE, AS və A səviyyələri nə üçündür və harada tanınır?

Kembric beynəlxalq ümumi orta təhsil sertifikatları (IGCSEs) 14-16 yaşlı şagirdlər üçün dünyanın ən qabaqcıl kvalifikasiyası hesab olunur və şagirdlərə demək olar ki, digər beynəlxalq kvalifikasiyalardan daha çox seçim imkanı verir. Şagirdlər ingilis dili, riyaziyyat, bir neçə təbiət fənni, bir və ya daha çox müasir xarici dil, müxtəlif humanitar fənləri öyrənirlər. 

IGCSE haqqında ətraflı məlumatı bu keçiddən və  Kembric Qiymətləndirmə Beynəlxalq Təhsil saytından əldə etmək mümkündür.

  A və AS Təkmil səviyyələri (Cambridge Advanced və Advanced Subsidiary Level) 16-19 yaşlı şagirdlər üçün dünyanın ən nüfuzlu kvalifikasiyası hesab olunur. Bunlar universitetə qəbul üçün “qızıl standart” sayılır, Azərbaycanda və xaricdə geniş şəkildə qəbul edilir. AS və A səviyyələri üzrə təhsil almaq fənləri dərindən anlamağa və müstəqil düşünmə bacarıqlarını inkişaf etdirməyə kömək edir.

AS səviyyəsini tamamlamaq üçün bir il, A səviyyəsi üçün isə iki il tələb olunur. A səviyyəsinin üstünlüyü odur ki, daha dərin bilik verməklə yerli və ya xarici universitetdə Təməl kursunu keçmədən birbaşa bakalavr təhsilinin birinci kursuna qəbul olunmağa imkan verir. A-səviyyəsini tamamlayan şagirdlərdən universitetə qəbul zamanı IELTS və ya digər buna ekvivalent ingilis dili sertifikatı təqdim etmək adətən tələb olunmur. Şagirdlər əsasən özlərinin güclü tərəflərinə və maraqlarına əsaslanan, həm də gələcək karyera seçimlərini dəstəkləyən üç-dörd fənni seçib, onları dərindən öyrənirlər. 

AS və A səviyyələri haqqında ətraflı məlumatı bu keçiddən  və Kembric Qiymətləndirmə Beynəlxalq Təhsil saytından da əldə edə bilərsiniz.
Kembric kvalifikasiyalarının dünya üzrə hansı məktəb və universitetlər tərəfindən tanındığı və qəbul edildiyi ilə bağlı xüsusi məlumatı bu keçiddən tapa bilərsiniz.

 

Orta məktəbdə liderlik proqramları

Müasir Təhsil Kompleksi şagirdlərimizdə liderlik bacarıqlarını inkişaf etdirən bir sıra proqramlar təklif etməkdən qürur duyur, məsələn, Birləşmiş Millətlər Təşkilatının Modeli klubu və konfranslar. Bunlar şagirdlərdə güclü öyrənmə bacarıqları formalaşdırmaqla yanaşı, universitetlərə müraciət prosesi üçün ideal zəmin yaradır, belə ki, getdikcə daha çox universitet şagirdlərdən əsas akademik kurrikulum götəricilərindən əlavə kurikulumdankənar fəaliyyətlər sahəsində də nailiyyətlər tələb edir.

 

Yuxarı təhsil pilləsində məktəbin strukturu və müəllim heyəti 

Sinif rəhbərləri adətən yerli ölkə vətəndaşlarıdır; əcnəbi və yerli müəllimlər isə fənn üzrə mütəxəssislər kimi fəaliyyət göstərirlər. Əlavə məlumat əldə etmək üçün Beynəlxalq Bölmə - Orta məktəbin idarəetmə heyəti bölməsinə nəzər yetirə bilərsiniz.

Qiymətləndirmə 

Beynəlxalq bölmə: yuxarı təhsil pilləsində şagirdin inkişafını izləmək və rifah halına nəzarət etmək üçün müxtəlif üsullardan istifadə edirik.

• Beynəlxalq bölmənin Yuxarı təhsil pilləsinə hazırlıq səviyyəsi 8-ci sinifdə keçirilən Kembric imtahan nəticələri əsasında müəyyən edilir;
• Kembric qiymətləndirmə sisteminin IGCSE və AS/A-səviyyə imtahanları icbari və universitetdən öncəki təhsilin beynəlxalq akkreditasiyasını təmin edir;
• Azərbaycanın tam orta təhsil haqqında attestatını almaq üçün sınaq və dövlət imtahanları verilir (yalnız Azərbaycanlı şagirdlər üçün);
• Bütün əsas fənlər üzrə şagirdlərin inkişafını onların yaşlarına uyğun gözləntilərə əsasən müntəzəm olaraq yoxlamaq üçün standartlaşdırılmış testlərdən istifadə olunur;
• Şagirdlərin biliklərini dünyanın digər yüksək səviyyəli məktəblərindəki həmyaşıdları ilə müqayisə etməyə imkan verən rəqəmsal qiymətləndirmə vasitələrindən istifadə olunur (məsələn, WIDA Model Online qiymətləndirmə);
• Öyrənmə ilə əlaqəli davranışın qiymətləndirilməsi (şagirdin münasibətinin, diqqətinin, sosial, qrupda işləmə və s. bacarıqlarının müəllim tərəfindən qiymətləndirilməsi) iki həftədən bir aparılır;
• Semestr ərzində üç dəfə valideyn iclasları keçirilir;
• Semestr ərzində bir dəfə valideynlərə şagirdlərin qiymətləri və izahlı rəylər də daxil olmaqla ətraflı yazılı hesabatlar təqdim edilir.

 

Yuxarıda qeyd olunan məlumatların hamısı hər bir şagird haqqında özündə analitik hesabat daşıyan e-mtk tətbiqi vasitəsilə valideynlərə aydın və səmərəli şəkildə təqdim olunur. 

 

İmtahanlar və kvalifikasiyalar

Beynəlxalq bölmənin Yuxarı təhsil pilləsində təhsil alan şagirdlər aşağıdakı cədvəldə göstərilən xarici akkreditasiya almış imtahanları verirlər:

 

Sinif	İmtahan	Fənlər	Məqsəd
9	Azərbaycanın dövlət imtahanları*	Azərbaycan dili, Milli kurikulum üzrə riyaziyyat və xarici dil	Azərbaycanlı şagirdlərin icbari təhsili başa vurduqlarını təsdiqləyən sənədin əldə edilməsi üçün tələb olunan imtahanlar olub, yerli və bir çox xarici universitetlər tərəfindən tələb olunur.
10	Kembric beynəlxalq ümumi orta təhsil sertifikatları (IGCSEs)	İngilis dili, riyaziyyat və şagird tərəfindən seçilən əlavə fənlər (ümumi 7-9 fənn)	Şagirdin müxtəlif fənlər üzrə biliklərini yoxlayan və 11-ci sinifdə təhsil almağa imkan verən beynəlxalq səviyyədə akkreditasiya olunmuş imtahanlar olub Cambridge Assessment International Education (CAIE) tərəfindən keçirilir.
11	Azərbaycanın dövlət imtahanları*	Azərbaycan dili, Milli kurikulum üzrə riyaziyyat və xarici dil	Azərbaycanlı şagirdlərin icbari təhsili başa vurduqlarını təsdiqləyən sənədin əldə edilməsi üçün tələb olunan imtahanlar olub, yerli və bir çox xarici universitetlər tərəfindən tələb olunur.
11	Cambridge Advanced Subsidiary Level Examinations (AS Level)	Şagird tərəfindən gələcək universitet və karyera seçiminə uyğun olaraq seçilən 3-4 fənn	Şagirdə Azərbaycanda və xaricdə yüksək reytinqli universitetlərə müraciət etməyə imkan verən beynəlxalq səviyyədə akkreditasiya olunmuş və Cambridge Assessment International Education (CAIE) tərəfindən təmin edilən imtahanlardır.
12	Cambridge Advanced Level Examinations (A Level)	Şagird tərəfindən gələcək universitet və karyera seçiminə uyğun olaraq seçilən 3-4 fənn	Şagirdə Azərbaycanda və xaricdə yüksək reytinqli universitetlərə müraciət etməyə imkan verən beynəlxalq səviyyədə akkreditasiya olunmuş və Cambridge Assessment International Education (CAIE) tərəfindən təmin edilən imtahanlardır.

 

* Azərbaycanlı şagirdlər üçün məcburi, digərləri üçün könüllüdür. 

 

Niyə MTK?

MTK-nın Beynəlxalq kurikulumunu fərqləndirən xüsusiyyətlər:

• “Cambridge Assessment International Education” tərəfindən beynəlxalq səviyyədə akreditasiya olunmuş imtahanlar  şagirdlərə ölkəmizdə və xaricdə ən yaxşı universitetlərə daxil olmaq imkanı verir;
• 9, 11 və 12-ci sinif şagirdləri üçün IGCSE və AS/A-səviyyə imtahanlarını seçmək imkanı;
• hər bir şagirdə xüsusi diqqət və fərdi potensialın inkişafı;
• peşəkar əcnəbi və yerli mütəxəssislər tərəfindən yüksək keyfiyyətli tədris;
• hər bir sinifdə interaktiv lövhələrlə tam təchiz olunmuş müasir tədris mühiti; STEAM, fiziki tərbiyə, təsviri incəsənət və təbiət fənlərinin tədrisi üçün xüsusi avadanlıqlı otaqlarla təmin edilməsi;
• həm əyani, həm də e-mtk jurnalı vasitəsilə şagirdlərin şəxsi inkişafı və təlim nəticələri ilə bağlı müntəzəm olaraq yüksək keyfiyyətli rəylərin verilməsi;
• valideynlərin də müntəzəm iştirak etmək imkanları olan maraqlı tədbirlərin, öyrədici ekskursiyaların təşkil olunması;
• sosial və emosional bacarıqların dərslərə inteqrasiya şəklində öyrədildiyi pozitiv emosional mühitin təmin edilməsi. 

 

Biz tədris proqramımızı şagirdlərimizin MTK-da öz təhsillərini yüksək səviyyədə başa vurması və gələcəkdə geniş imkanlara sahib olması üçün hazırlamışıq. 

MTK məzunları akademik ingilis dilində, eləcə də öz ana dilində yüksək səviyyədə danışa biləcək və bu da onlar üçün həm vətəndə, həm də xarici ölkələrdə təhsil və karyera baxımından bir sıra geniş imkanlara qapı açacaqdır!

Ətraflı məlumat: +994552028401
Qeydiyyat: https://www.mtk.edu.az/az20/
Elektron poçt ünvanı: admissions@mtk.edu.az