Orta təhsil

Heydər Əliyev adına Müasir Təhsil Kompleksinin (MTK) Orta təhsil pilləsində 11–14 yaşlı şagirdlər yüksək keyfiyyətli təhsil və həm akademik, həm də sosial inkişaf üçün əlverişli mühitlə təmin olunurlar.

Bu pillədə Lower Secondary Checkpoint proqramı tədris prosesinin əsasını təşkil edir. Proqram beynəlxalq standartlara uyğun olmaqla yanaşı, Azərbaycanın Milli Kurikulum fənləri də tədris olunur. Bu, şagirdlərin milli kimlik, dil və mədəniyyət biliklərini gücləndirməyə xidmət edir.

6–8-ci siniflər üzrə təhsil prosesi Lower Secondary Checkpoint imtahanları ilə tamamlanır. Bu imtahanlar şagirdlərin bilik və bacarıqlarını beynəlxalq standartlar əsasında qiymətləndirərək onların növbəti - yuxarı təhsil pilləsinə keçidini dəstəkləyir.