Heydər Əliyev adına Müasir Təhsil Kompleksinin Məktəbəqədər bölməsində 8 Mart - Beynəlxalq Qadınlar Gününə həsr olunmuş xüsusi bayram tədbiri keçirildi.
Tədbirdə məktəbəqədər yaşlı uşaqlar hazırladıqları rəqslər, mahnılar və səhnə çıxışları ilə iştirak etdilər. Balaca iştirakçılar çıxışları vasitəsilə analarına və bütün qadınlara olan sevgi və hörmətlərini ifadə etdilər. Rəngarəng proqram zalda səmimi və bayram ab-havası yaratdı.
Uşaqların səhnədə nümayiş etdirdikləri çıxışlar onların yaradıcılıq bacarıqlarını və özlərini ifadə etmək imkanlarını göstərdi. Tədbir boyunca uşaqların sevinc dolu baxışları və səmimi çıxışları valideynlər və müəllimlər tərəfindən maraqla qarşılandı.
Kompleksdə keçirilən bu kimi tədbirlər uşaqlarda sevgi, qayğı və minnətdarlıq kimi dəyərlərin formalaşmasına, onların sosial və emosional inkişafına töhfə verir.
Tədbirin sonunda bütün xanımlar 8 Mart - Beynəlxalq Qadınlar Günü münasibətilə təbrik edildi və onlara xoşbəxtlik arzulandı.
